قولوا العوافي يللي قلبك وافي من القوافي لما خدت الامان قلدت بحر النيل بلا استئذان بين الشواطئ امشي في الاحضان واضاحك الفجريه واسقي الغيظان واهدي الكباري نظره الولهان
واكسر خيالي في كل عود انسان وفي نيتي اكبر من الفيضان الضي بعد الري من اسوان عبرة حياتي وصنعة الفنان معنى المروءه وزرع الاطمئنان في كل مطرح لما الاقي حنان
أبويا سليم ندى عينيا معلمني ما فيش أجمل من الميه ولا عمارة بعشر أدوار وأنا معلم كمان أبني يا ميت بوسة على التعليم وميت بوسة على الفله وأنا بأشرب من القله وكان وشه قمر نوار يا ميت بوسة لأبويا سليم
لو ماشى فى الصحرا شُفت النور اقول انسان دا انا كل شباك يقيد اشكر لإيد انسان و اقول هدتنى المناير سَبَّحت للعرش يا رب من رحمتك مكنت للانسان يغير الضلمه اما النور ما يتغيرش
كان عندي زغلول ورايح للطبيب عارضه جسمه رقيق ما تعرف طوله من عرضه خده انجرح في النسيم لما النسيم عارضه يا للي حزين ع الي فات وقتلت زغلولى كان عندى حب الدره أبرك من اللولى